ଜିମେଲ୍ ବନ୍ଦ ହେବା ନେଇ ଚର୍ଚ୍ଚା ଜାରି ରହିଥିବା ବେଳେ ସୋସିଆଲ ମିଡିଆ ପ୍ଲାଟଫର୍ମର ମାଲିକ ଏଲନ୍ ମସ୍କ ଗୁଗଲର ଜିମେଲ୍ ସହିତ ପ୍ରତିଦ୍ୱନ୍ଦ୍ୱିତା କରିବାକୁ ଏକ୍ସ ମେଲ୍ ନାମକ ଏକ ନୂତନ ଇମେଲ୍ ସେବା ଆରମ୍ଭ କରିବେ ବୋଲି ସୂଚନା ଦେଇଛନ୍ତି।ବାସ୍ତବରେ, ଜିମେଲ୍ ସେବା ବନ୍ଦ ହେବାର ପ୍ରଚାର ନେଇ ଯେତେବେଳେ ଏକ୍ସର ଇଞ୍ଜିନିୟରିଂ ଏବଂ ସୁରକ୍ଷା ଦଳର ସଦସ୍ୟ ନାଟ୍ ମ୍ୟାକଗ୍ରେଡି ଏଲନ ମସ୍କଙ୍କୁ ପଚାରିଥିଲେ, ଆମେ କେବେ ଏକ୍ସ ମେଲ୍ ଆଣିବାକୁ ଯାଉଛୁ? ଏହାର ଜବାବରେ ମସ୍କ କହିଛନ୍ତି ଯେ ଏହା ଶୀଘ୍ର ଆସିବାକୁ ଯାଉଛି । ସୋସିଆଲ ମିଡିଆରେ ଚର୍ଚ୍ଚା ହେଉଛି ଯେ ଗୁଗଲ ଏହାର ଜିମେଲ୍ ସେବାକୁ ବନ୍ଦ କରିବାକୁ ଯାଉଛି। ଏହି କାର୍ଯ୍ୟ ପର୍ଯ୍ୟାୟକ୍ରମେ କରାଯିବ। ଚଳିତ ବର୍ଷ ଅଗଷ୍ଟରେ ଜିମେଲ୍ ବନ୍ଦ କରାଯିବ ବୋଲି କୁହାଯାଉଛି। ତେବେ ଗୁଗଲ ଏହି ଦାବିକୁ ଖଣ୍ଡନ କରିଛି।
When we making XMail?
— Nate (@natemcgrady) February 22, 2024
ଗୁଗଲ ଜିମେଲ୍ ବନ୍ଦ ହେବାର ଗୁଜବକୁ ନେଇ କହିଛି ଜିମେଲ୍ ସେବା କାର୍ଯ୍ୟକ୍ଷମ ରହିବ। ଆମେ ଏଚଟିଏମଏଲ ଭ୍ୟୁ ବନ୍ଦ କରିବାକୁ ଯାଉଛୁ । ଗୁଗଲର ସାଇନ୍-ଇନ୍ ପେଜରେ ୟୁଜରମାନେ ଏକ ନୂତନ ବ୍ୟାନର ଦେଖୁଛନ୍ତି, ଯେଉଁଥିରେ ଲେଖା ଅଛି – ଏକ ନୂଆ ଲୁକ୍ ଶୀଘ୍ର ଆସୁଛି । ଗୁଗଲ ଏହା ମଧ୍ୟ କହିଛି ଯେ ସାଇନ୍-ଇନ୍ ପୃଷ୍ଠାରେ ଆହୁରି ଉନ୍ନତି ଆଣିବା ପାଇଁ ଏହା କାର୍ଯ୍ୟ କରୁଛି। ଏହି ପରିବର୍ତ୍ତନ କମ୍ପାନୀର ମେଟେରିଆଲ ଡିଜାଇନ୍ ଥିମ୍ ଉପରେ ଆଧାରିତ ।
