ନାଳରୁ ନିଖୋଜ ୪ ବର୍ଷର ଶିଶୁକନ୍ୟାର ମୃତଦେହ ଉଦ୍ଧାର, ହତ୍ୟା ସନ୍ଦେହରେ ପଡ଼ୋଶୀ ଦମ୍ପତି ଅଟକ

ବଣାଇ: ୪ ବର୍ଷର ଝିଅକୁ ମାରି ଫିଙ୍ଗିଦେଲେ ପଡ଼ୋଶୀ । ନାଳରୁ ୪ ବର୍ଷ ଝିଅର ଗଳିତ ମୃତଦେହ ଉଦ୍ଧାର । ଗୁରୁଣ୍ଡିଆ ଥାନା ଜଡ଼ା ଗାଁର ଏକ ନାଳରୁ ମୃତଦେହ ଉଦ୍ଧାର ହୋଇଛି । ମୃତ ନାବାଳକ ଜଣକ ରାଜୁ ମୁଣ୍ଡାଙ୍କ ୪ ବର୍ଷର ଝିଅ ଦୀପାଳି ମୁଣ୍ଡା ବୋଲି ସୂଚନା ମିଳିଛି । ୨ ଦିନ ତଳୁ ନିଖୋଜ ଥିଲା ଦୀପାଳି । ଝିଅକୁ ହତ୍ୟା ପରେ ଫିଙ୍ଗିଥିବା ପରିବାର ପକ୍ଷରୁ ଅଭିଯୋଗ ହୋଇଛି । ହତ୍ୟା ସନ୍ଦେହରେ ପଡ଼ୋଶୀ ଦମ୍ପତିଙ୍କୁ ଅଟକ ରଖି ପୋଲିସ ତଦନ୍ତ ଜାରି ରଖିଛି । ଖବର ପାଇ ଆଜି ସକାଳୁ ମୃତଦେହ ଉଦ୍ଧାର କରି ଘଟଣାସ୍ଥଳରେ ପୋଲିସ ଛାନଭିନ ଆରମ୍ଭ କରିଛି ।