ହତ୍ୟା ମାମଲାରେ ରାମ ରହିମ ସିଂ ଓ ୪ ଜଣ ନିର୍ଦୋଷ ସାବ୍ୟସ୍ତ

 ରଞ୍ଜିତ ସିଂ ହତ୍ୟା ମାମଲାରେ ଆତ୍ମଘୋଷିତ ଭଗବାନ ଗୁରୁମିତ ରାମ ରହୀମ ସିଂ ଏବଂ ଅନ୍ୟ ୫ ଜଣ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରାଯାଇଥିଲା। ଜୁଲାଇ ୧୦, ୨୦୦୨ ରେ ହତ୍ୟା କରାଯାଇଥିବା ରଣଜୀତ ସିଂ ଗୁରୁମିତ ସିଂ ସିଂଙ୍କ ଡେରା ସଚ୍ଚା ସୌଦାର ପୂର୍ବତନ ସମର୍ଥକ ଥିଲେ। ହେଲେ ଆଜି ପୂର୍ବତନ ଡେରା ମ୍ୟାନେଜର ରଣଜିତ ସିଂଙ୍କ ହତ୍ୟା ମାମଲାରେ ଡେରା ସଚା ସୌଦାର ମୁଖ୍ୟ ଗୁରୁମିତ ରାମ ରହିମ ସିଂ ଏବଂ ଅନ୍ୟ ଚାରିଜଣ ପଞ୍ଜାବ ଏବଂ ହରିୟାଣା ହାଇକୋର୍ଟଙ୍କ ଦ୍ବାରା ନିର୍ଦୋଷ  ସାବ୍ୟସ୍ତ ହୋଇଛନ୍ତି। ପଞ୍ଚକୁଲାର ସ୍ବତନ୍ତ୍ର କୋର୍ଟ ରଣଜିତ ସିଂ ହତ୍ୟା ମାମଲାରେ ଡେରା ସଚ୍ଚା ସୌଦା ମୁଖ୍ୟ ଗୁରୁମିତ ରାମ ରହିମଙ୍କ ସମେତ ପାଞ୍ଚଜଣ ଦୋଷୀଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଥିଲେ। ଏଥିସହ ଗୁରୁମିତ ରାମ ରହିମଙ୍କ ଉପରେ ୩୧ଲକ୍ଷ ଟଙ୍କା ଜୋରିମାନା ମଧ୍ୟ ଲାଗୁ କରାଯାଇଛି। ସମସ୍ତ ଦୋଷୀଙ୍କୁ ବିଭିନ୍ନ ବିଭାଗ ଅଧୀନରେ ଦଣ୍ଡିତ କରାଯାଇଛି। ଗୁରୁମିତ ରାମ ରହିମଙ୍କ ପାଇଁ ସିବିଆଇ ମୃତ୍ୟୁଦଣ୍ଡ ଦାବି କରିଥିଲା, କିନ୍ତୁ କୋର୍ଟ ତାଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଥିଲେ। ଅନ୍ୟପକ୍ଷରେ ଗୁରୁମିତ ରାମ ରହିମଙ୍କ ଓକିଲ ଅଜୟ ବର୍ମନ କହିଛନ୍ତି ଯେ ସେ ଏହି ନିଷ୍ପତ୍ତିକୁ ପଞ୍ଜାବ ଏବଂ ହରିୟାଣା ହାଇକୋର୍ଟରେ ଚ୍ୟାଲେଞ୍ଜ କରିବେ। ଏହା ପରେ ସେ ପଞ୍ଜାବ ଏବଂ ହରିୟାଣା ହାଇକୋର୍ଟରେ ଚ୍ୟାଲେଞ୍ଜ କରିଥିଲେ ଯେଉଁଥିରେ ରାମ ରହିମ ଏବଂ ଅନ୍ୟ ଚାରିଜଣ ବ୍ୟକ୍ତି ନିର୍ଦ୍ଦୋଷରେ ଖଲାସ ହୋଇଛନ୍ତି।