‘ବିଶ୍ବକପ୍‌ ଟ୍ରଫି’ ଉପରେ ଗୋଡ଼ ରଖିବା କଣ ଉଚିତ?

ଜୀବନରେ ସଫଳତା ହୁଏତ ଅନେକଙ୍କୁ ମିଳିପାରେ । କିନ୍ତୁ ତାପରେ ସେହି ସଫଳତାକୁ ସାଇତି ତାର ସମ୍ମାନ ରଖିବା ସମସ୍ତଙ୍କ ହାତରେ ନଥାଏ।ଏଇ ଯେମିତି ଗତକାଲିର ମ୍ୟାଚରେ ଅଷ୍ଟ୍ରେଲିଆର ବଢିଆ ପ୍ରଦର୍ଶନ କରିବା ପରେ ସମସ୍ତେ ଶୁଭେଚ୍ଛା ଜଣାଇଲେ। କିନ୍ତୁ ସେମାନଙ୍କ ତରଫରୁ ଏମିତି ଉତ୍ତର ଆସିବ ବୋଲି କେହି ଭାବିନଥିବେ। ‘ବିଶ୍ବକପ୍‌ ଟ୍ରଫି’ ଉପରେ ଦୁଇ ଗୋଡ଼ ରଖି ଅଷ୍ଟ୍ରେଲୀୟ କ୍ରିକେଟ୍‌ ଖେଳାଳି ମିଚେଲ୍‌ ମାର୍ସ ବସିଥିବା ଫଟୋ ସାମାଜିକ ଗଣମାଧ୍ୟମରେ ଭାଇରାଲ୍‌ ହେବା ପରେ ସେ ‌‘ଟ୍ରୋଲ୍‌’ ବା ସମାଲୋଚନାର ସାଙ୍ଘାତିକ ଶିକାର ହୋଇଛନ୍ତି।ପ୍ରଥମେ ଅଷ୍ଟ୍ରେଲିଆ କ୍ରିକେଟ୍‌ ଟିମ୍‌ର ଅଧିନାୟକ ପ୍ୟାଟ୍‌ କ୍ୟୁମିନ୍‌ସ୍‌ ‘ଇନ୍‌ଷ୍ଟାଗ୍ରାମ୍‌’ରେ ସେୟାର୍‌ କରିଥିଲେ। ସେଠାରୁ ଏହି ଫଟୋ ସେୟାର୍‌ ହୋଇ ବିଭିନ୍ନ ସାମାଜିକ ଗଣମାଧ୍ୟମ ପ୍ଲାଟ୍‌ଫର୍ମକୁ ଯାଇଛି।ଇଣ୍ଟର୍‌ନେଟ୍‌’ ବ୍ୟବହାକାରୀମାନେ ମାର୍ସଙ୍କର ଏତାଦୃଶ ଆଚରଣକୁ ‘ଅସମ୍ମାନଜନକ’ କହି ତାଙ୍କୁ ‘ଟ୍ରୋଲ୍‌’ କରିଛନ୍ତି।